Јотова оддаде почит пред барелефот на Васил Левски во Монца

Во рамките на својата посета на Италија по повод отворањето на XXV Зимски олимписки игри, бугарската претседателка Илијана Јотова оддаде почит пред барелефот на бугарскиот национален херој и апостол на бугарската слобода Васил Левски во Монца, јавува БНР. Во градот живее втората по големина бугарска заедница во Италија. Ова е првиот споменик на бугарскиот револуционер во Италија, соопштуваат од претседателството.

Претседателката беше пречекана во Монца од градоначалникот Паоло Пилото. Пред него, шефицата на бугарската држава истакна дека за бугарскиот народ Левски е светост, лекција за долг, достоинство и чесност, нетрпеливост кон неправдите и еднаквост. „Левски е нашиот пример за силата на внатрешната слобода“, нагласи Јотова. Таа посочи дека спомениците на Апостолот низ цела Бугарија, а и во странство, силно го привлекуваат секој што во својата душа носи дел од него.

Според зборовите на Јотова, бугарските и италијанските национални херои имале способност да гледаат напред низ времето, оставајќи ни ги во наследство идеите за еднаквост и солидарност.