Јотова посети бугарска инвестиција во индустриската зона во Сумгаит во Азербејџан

Претседателката на Бугарија Илијана Јотова посети фабрика изградена со целосно бугарска инвестиција во индустриската слободна економска зона на градот Сумгаит, на околу 25 километри од Баку, јавува БТА.

Станува збор за фабрика за преработка на отпадни индустриски и моторни масла и производство на базни масла, која е единствениот реализиран индустриски проект одобрен од азербејџанскиот претседател Илхам Алиев при неговата посета на Бугарија во 2023 година. Проектот е и прва инвестиција од ваков обем во оваа сфера во Азербејџан.

Од кабинетот на државниот врв соопштија дека проектот на бугарска компанија, специјализирана за еколошка изградба и управување со проекти, е во фаза на пред-пуштачки тестирања. Тој е оценет како стратешки и високотехнолошки проект, усогласен со барањата на климатската конференција на ОН одржана во Баку во 2024 година.

Илијана Јотова престојува во Баку за учество на Самитот во рамки на 13-тата сесија на Светскиот урбан форум на ОН. Во бугарската делегација е и Даниел Панов, претседател на Националното здружение на општините во Бугарија.

Вчера Јотова и Илхам Алиев разговарале за проширување на енергетската соработка меѓу Бугарија и Азербејџан.