КИМ МЕХМЕТИ: МАКЕДОНИЈА Е ПОЛИТИЧКА ФИЛИЈАЛА НА СРБИЈА, ОМРАЗАТА Е ИНСТИТУЦИОНАЛИЗИРАНА ВО СКОПЈЕ
„Во Р.С. Македонија од прво одделение до длабока старост, Македонците се учени дека Бугарите и Албанците се нивните најголеми непријатели, а Србите нивни браќа. Србија го всади македонизмот меѓу локалното население и истиот црпи сили од антибугаризмот и антиалбанизмот. Македонската историја се уредува во Белград кој што е вистинскиот главен град на Македонија а не Скопје. Балканскиот мини-шенген е новата Србославија. Александар Вучиќ излегува од средината на Слободан Милошевиќ. ВМРО-ДПМНЕ од најпробугарска партија во минатото се претвори во најпросрпската партија и во моментов води кампања против зближувањето на Бугарија и Р.С Македонија. За мене ни малку не е важно како ќе се однесуваат локалните политички елити а како ќе се однесуваме ние кои ќе бидеме лицето на нашите народи“, изјави во интервју за бугарската БГНЕС, писателот и новинар од Македонија, Ким Мехмети.
