Кочани: Сплотено и со љубов за 62-та ангела-вечна светлина во нашите срца

Под мотото „62 ангела – вечна светлина во нашите срца“ синоќа во „Паркот на Револуцијата“ во Кочани се одржа настан во спомен на загинатите во „Пулс“, несреќа со 62  починати, претежно млади и над 200 повредени, јавува Фронтлајн.

Се палеа свеќи во форма на крст и срце во чест на починатите, а околу 21 часот во воздух одлетаа 62 балони со имињата на жртвите, по што присутните граѓани со мобилните телефони направија ѕвездено небо и испратија светлина во височините за 62-та згаснати животи.

Овој настан имаше комеморативен и хуман карактер,  беше чин на љубов, почит и сеќавање. Кочанчани се обединија во болката и во љубовта кон оние кои секогаш ќе живеат во нивните срца. Палењето свеќи за помен на починатите 62. млади животи продолжи до полноќ.