„Тоа што јас го зборував за тоа дека ние имаме проблем со корупцијата, безбедносните служби, СЈО и владеењето на правото, после 6 месеци францускиот амбасадор го потврди и тоа многу јасно. ВМРО-ДПМНЕ и СДСМ го кријат тоа од народот, бидејќи тие немаат интерес од тие реформи. Тие не сакаат да завладее правото бидејќи голем дел од нивните кадри треба да завршат во затвор“- изјави претседателот на Граѓанско Демократска Унија-ГДУ, Петар Колев во емисијата „Анализи и коментари“ на ТВ Стар. Колев истакна дека ако СДСМ и ДПМНЕ продолжат со истото темпо во октомври повторно ќе останеме со кратки ракави и нема да добиеме датум за преговори со Европската Унија.
