Кривични пријави за лицата кои ги попречуваа вработените во АХВ да ги заловат кравите во Крива Паланка
Надворешната канцеларија за криминалистички работи во Крива Паланка поднесе кривична пријава против Г.Ѓ. (58) и 17-годишник, двајцата од Крива Паланка, поради постоење основи на сомнение за сторени две кривични дела „спречување службено лице во вршење службено дејствие“.
На 4 март 2026 година, во два наврати во населбата Баглак и во село Кошари, пријавените со употреба на физичка сила и закани спречувале службени лица од Агенцијата за храна и ветеринарство Скопје при заловување, товарење и транспорт на крупен добиток, односно крави.
Според надлежните, овие дејствија претставуваат сериозно попречување на службените активности, а случајот е предаден на понатамошно постапување од страна на обвинителството.
