Лекари од ВМА и болницата „Пирогов“ во Софија успешно извршија сложена операција на деветгодишно девојче со редок тумор на црниот дроб
Екипи на Военомедицинската академија (ВМА) и УМБАЛСМ „Н. И. Пирогов“ заеднички учествуваа во лекувањето на 9-годишно девојче со редок сарком на црниот дроб, при што беше извршена сложена и високоризична операција, јавува Актуално.
Дијагнозата била поставена на почетокот на февруари, по што детето било оперирано во Националната кардиолошка болница за отстранување тромби од преткоморите. Потоа следувала хемотерапија во УМБАЛ „Царица Јоана-ИСУЛ“, но поради минимален ефект и прогресија на туморот, било упатено во „Пирогов“.
По интердисциплинарен конзилиум било одлучено операцијата да се изврши во ВМА.
„Извршивме десна хепатектомија со отстранување на туморот и исклучување на црниот дроб од циркулацијата за ревизија и чистење на тромбите од долната празна вена“, изјави проф. Никола Владов, додавајќи дека „ова е една од најсложените операции во абдоминалната хирургија“.
Детето закрепнува брзо и веќе е отпуштено од болница.
