ЛГБТИ НЕ СЕ ДИСКРИМИНИРАЈТЕ СО СИЛА САМИ!

„Заложбите на македонската Влада се да создадеме едно општество за сите, во кое секој ќе има еднаков пристап до образование, вработување, здравство и заштита од било какво насилство и во ова имаме напредок од изминатата година. Подготвивме нов закон за заштита од дискриминација кој е во собраниска процедура и во кој се вклучува сексуалната ориентација и родовиот идентитет како основи за дискриминација и истите ги санкционира“, истакна министерката за труд и социјална политика Мила Царовска, на отворањето на конференцијата. за правата на ЛГБТИ во Скопје- „Се залагаме за едно општество за сите“.

За почеток пред да го искажам својот став во врска со оваа тема сакам да потенцирам дека лично мене апсолутно не ме интересира кој со кого си разменува бакнежчиња и кој со кого се „стиска“ во кревет. Исто така апсолутно не ме интересира дали помеѓу двете вљубени лица ќе им виси нешто помеѓу нозете или ќе му фали „алат“. Затоа поштедете ме од критиките како сум јас хомофоб , бидејќи не сум. Мене лично што ме „забоде“ во очи е оваа конференција и сличните на неа…

Првото прашање ми е :
– Дали кога некој ќе се запишува во средно училиште, факултет или ќе земе некој курс, прашуваат каква е Вашата сексуална ориентација?
Второ и сите понатаму:
– Дали некој од вас кога ќе отиде на интервју за работа ве прашува каква е Вашата сексуална ориентација?
– Дали кога ќе побарате здравствено осигурување некој ве прашува каква е вашата сексуална ориентација?
– Дали кога насилникот напаѓа, читај – ве „тепа“ психички или покажува физичка агресија ве прашува каква е Вашата сексуална ориентација?
– Дали воопшто некој некого дискриминира поради личната сексуална ориентација?

Видете јас не знам и не сум слушнала до сега дека некој не бил примен на училиште бидејќи е хомосексуалец. До сега не сум слушнала дека некој не добил здравствено осигурување бидејќи е хомосексуалец, бисексуалец или травестит. Исто така не сум слушнала ниту прочитала дека на интервју за работа освен „кои се вашите квалитети, што имате завршено и какво е вашето искуство, зошто баш нашата компанија“, никој не прашал дали се љубакате со ист пол како вашиот или различен.

Не сакам длабоко да навлегувам затоа дирекно ќе го напишам моето мислење… Другари и другарки хомосексуалци, бисексуалци, травестити, итн. Вие сте тие кои сами се одделувате во општеството како различни и поинакви од хетеросексуалците. Нема потреба од барање никакви права или одржување на конференции кои верувам чинат многу пари бидејќи дискриминација каква што сакате да ја прикажете нема. Доколку се појави некој (НЕ) човек во општеството и ве малтретира на било каков начин, треба да ви биде јасно дека насилникот е насилник со СИТЕ без разлика каква е сексуалната ориентација на човекот.

На министерката Царовска и на сите организатори кои трошат пари за вакви конференции би им порачала додека се трошат пари за да „се просветлиме“ и решиме проблем КАДЕ ШТО ГО НЕМА, наместо тоа да се искористат на место каде што самото општество би имало реална корист. Јас не викам дека не се вложува центри за рехабилитација, помагање на социјално загрижувачки семејства, болни итн. но сепак би требало само да изгуглате и да видите уште колку многу луѓе бараат помош за кров над главата, како родители немаат да им купат на децата основни работи кои им се потребни или како итно требаат пари за операција на болните.

Ајде да внимаваме сите. Бидејќи народот врие. Хомосексуалци, бисексуалци, травестити, хетеросексуалци и уште не знам веќе какви сексуалци… Кој од глад, кој од жед, кој од студ а најмногу од погрешните политики. Бидете ми здрави и живи.

И НЕ Е ВАЖНО КОЈ СО КОГО СЕ ЉУБИ СЕ ДОДЕКА ИМА ЉУБОВ!

Автор: Елизабета Најдоска Величкова