Љуба Кутинчева Дагорова – првата бугарска новинарка што ја посетила Јапонија
Новинарката Љуба Кутинчева Дагорова родена на 15 мај 1910 година во Трново, останува запаметена како првата Бугарка што ја посетила Јапонија и како една од најпознатите бугарски патешественички на XX век, пишува Актуално.
По школувањето во Букурешт и студиите по новинарство и француска филологија во Франција, Дагорова патувала низ Европа, Африка и Азија. Ги посетила Шпанија, Мароко, Јужна Африка, Оман, Суматра, Цејлон, Индија, Бурма, Сијам, Индокина, Борнео, Формоза, Јужен Сахалин, Тунис, Триполи и Мадагаскар. Патувањата ги финансирала со предавања за Бугарија и со физичка работа.
Во 1942 година ја објавила книгата „Јапонија – лични впечатоци, набљудувања и проучувања“, во која ги опишала своите искуства од земјата.
За време на патувањата се сретнала со повеќе истакнати личности, меѓу кои Махатма Ганди, емирот Абд Алах ибн Хусеин, ирачкиот крал Фејсал ибн Хусеин и махараџата на Барода Сајаџирао Гаеквад III.
Дагорова починала на 20 септември 1998 година во Софија. Нејзиниот архив се чува во Државниот архив на Бугарија во фондот 1328К.
