|

Маричиќ од лидерската средба: Северна Македонија и земјите на Западен Балкан со Планот за раст забрзано ќе се интегрираат во ЕУ​

Вицепремиерот задолжен за европски прашања Бојан Маричиќ беше дел од делегацијата на лидерскиот состанок за Планот за раст за Западен Балкан.

На состанокот беше истакнато дека Планот за раст е вистински чекор за интеграцијата кон ЕУ на Северна Македонија и на земјите од Западен Балкан.

Планот за раст, поддржан со значителна финансиска поддршка, означува решителен чекор и трансформациски патоказ за заеднички просперитет на Западен Балкан.

Оваа иницијатива ја симболизира посветеноста на регионот за акција, поттикнување на економскиот развој, стабилност и регионална интеграција се до усогласување на националните економии со стандардите на ЕУ, инструментот дејствува како катализатор за успешна интеграција, поттикнувајќи фундаментални реформски промени важни за постигнување на стратешката цел за приклучување во ЕУ до 2030 година.

Клучно за планот е воспоставување на Заеднички регионален пазар, отклучување на економскиот потенцијал и отворање на патот кон единствениот пазар на ЕУ. Областите како олеснувањето на трговијата, отворањето на услужниот сектор и мобилноста на работниците се во фокусот на забрзаната интеграција.

На денешната средба беше наведено дека Северна Македонија се заложува да создаде солидна реформска агенда, која ќе биде основа за непречено реализирање на вроинтеграцијата на државата со цел постигнување на полноправно членство во ЕУ до 2030 година. Посветеноста на Планот за раст придонесува за трансформација на државата, го поуспешува развојот на општеството и забрзаното пристапување кон ЕУ.

Главните определби на состанокот се приоритетите на патот кон ЕУ односно заложбата за реализација на реформите, соработката, поврзувањето преку финансиските инструменти кои ќе значат стабилно и сигурно развивање на регионот.



Слични Објави