Мартин Грин пред „Варајати“: Бугарија ќе подготви специјална „Евровизија“

Директорот на „Евровизија“, Мартин Грин, во интервју за американското издание „Варајати“ изјави дека домаќинството на Бугарија ќе биде „многу специјално“, пренесува БНТ.

По историската прва победа на Бугарија на „Евровизија“, подготовките за конкурсот следната година веќе се во тек. Според Грин, земјата располага со силен тим кој работи интензивно за настанот да стане незаборавно искуство за љубителите на конкурсот.

Организаторите оценуваат дека домаќинството ќе биде можност милиони гледачи да ја откријат Бугарија на нов начин, преку нејзината историја, култура и луѓе. Тие очекуваат настанот да има долгорочен позитивен ефект врз туризмот и меѓународната препознатливост на земјата.

„Варајати“ е едно од најавторитетните светски изданија за забавната индустрија и е познато како „библијата на Холивуд“.