Мецола со писмо до Радев: Политиката на проширување, заснована на сопствени заслуги останува приоритет на ЕП
Политиката на проширување, заснована врз сопствени заслуги, останува стратешки приоритет за Европскиот парламент како клучна алатка за унапредување на мирот, демократијата, стабилноста и просперитетот низ цела Европа, особено во Западен Балкан. Ова го истакнува претседателката на Европскиот парламент Роберта Мецола во одговор на писмото испратено од претседателот Румен Радев до раководителите на европските институции и до шефовите на држави и влади, членови на Европскиот совет, откако на 24 јуни Комисијата за надворешни работи на ЕП го изгласа нацрт-извештајот за напредокот на Република Северна Македонија (РСМ) во процесот на европска интеграција.
Во своето писмо, бугарскиот државен глава укажа на загрижувачките факти и околности околу подготовката на нацрт-извештајот, одбивањето на амандманите предложени од бугарските европратеници, како и на проблематичното ангажирање на ЕП со категории од морален карактер или со посебна научна насоченост како „идентитет“ и „јазик“, во отсуство на правна основа и соодветни надлежности.
Во своето писмо до Румен Радев, претседателката на Европскиот парламент информира за усвоениот на 9 јули од институцијата извештај, во кој не се засегаат прашања за идентитет и јазик. Роберта Мецола дополнително нагласува дека ЕП ја зема предвид континуираната заложба на РСМ за европската интеграција на државата и нејзиното приближување кон европските политики и дека ја охрабрува земјата да ги продолжи своите напори во спроведувањето на реформите поврзани со ЕУ, како и исполнувањето на своите обврски, особено оние кои се однесуваат на сè уште неспроведените уставни измени за заштита на правата на бугарското малцинство.
Во своето писмо до Румен Радев, Роберта Мецола изразува признателност за доследната поддршка и силното застапување на Бугарија за приклучување на земјите од Западен Балкан кон ЕУ.
