Мелони го пречека Желјазков во Рим, започна средбата за обновување на Украина

Започна Четвртата конференција за обновување на Украина, која се одржува во Рим. Бугарскиот премиер Росен Желјазков, беше пречекан од премиерката на Италија, Џорџа Мелони, која е домаќин на настанот, јавува БГНЕС.

Главната цел на форумот е мобилизација на меѓународна поддршка – финансиска, политичка и техничка – од влади, меѓународни организации, финансиски институции и приватниот сектор за обновување, реконструкција, реформи и модернизација на Украина.

Учесниците ќе разговараат како за итните потреби, како што се поправка на критичната инфраструктура, така и за долгорочните цели, поврзани со изградба на модерна и одржлива Украина, усогласена со европските стандарди.

Посебен акцент ќе биде ставен на привлекување на приватни инвестиции, кои се клучни за економското обновување на земјата.

Настанот ќе го истакне и значењето на продолжување на реформите, како и принципите на транспарентност, отчетност и владеење на правото – основни елементи за успешно обновување и европска интеграција на Украина.