Милков: РСМ ги крши правата на Бугарите и вредностите на ЕУ

Шефот на бугарската дипломатија Николај Милков ги коментираше серијата инциденти врз граѓани со бугарска самосвест во РСМ, кои беа изложени на голем број понижувања, меѓу кои и закани по нивните животи.

„Проблемите продолжуваат да се појавуваат, низа проблеми поврзани со правата на луѓето кои го декларираат својот бугарски идентитет во РСМ се влошуваат. Според Бујар Османи, ова се афтершокови од големиот проблем што го имавме лани и почетокот на оваа година со блокирањето на нивното членство во ЕУ. Не сум сигурен дека можеме да го споделиме овој став – дали се афтершокови или потреси кои се засилуваат“, рече Милков и нагласи: „Се работи за тоа што институциите на РСМ не ја земаат предвид изменетата динамика во билатералните односи, во однос на обврските на РСМ кон ЕУ и кон Бугарија“.

„Позитивниот пристап што се обидуваме да го туркаме не се претвора во конзистентна политика, ниту пак во одделни позитивни акции на кој било друг ресор“, категоричен е тој.

Министерот Милков изјави дека македонското Министерство за внатрешни работи продолжува со акции кои тамошните бугарски здруженија ги опишуваат како репресивни.

„Луѓето се повикуваат на распит наместо да се бараат виновниците. Нема резултат од потрагата по виновните и нивно казнување, тоа создава чувство на неказнивост“, рече тој.

По повод повикувањето на Љупчо Георгиевски од бугарскиот културен клуб „Иван Михајлов“ Битола, во битолското обвинителство, шефот на дипломатијата изјави дека е во постојан контакт со него и со неговиот адвокат.

По повод еднодневната посета на Скопје минатата недела, Милков рече дека разговарал со неговиот колега Бујар Османи.

„Ние сме обединети околу идејата дека треба да продолжиме со нашите обиди да создадеме позитивен пристап и подобра динамика во нашиот однос. Позитивна агенда што може да обезбеди за владата во Скопје, потребната смиреност за спроведување за реформите што ги бараат ЕУ и Бугарија, вклучително и во однос на уставните измени. Ова се покажува како тешка задача“, потенцира Милков.