МИНИСТЕРОТ ЗА ЗДРАВСТВО НА НОВ ЗЕЛАНД ПОДНЕСЕ ОСТАВКА ЗАРАДИ ПРОПУСТИ ВО БОРБАТА ПРОТИВ КОВИД-19

Министерот за здравство на Нов Зеланд, Дејвид Кларк вчера поднесе оставка од фунцијата, а како причина ги наведе низата пропусти за време на пандемијата со Ковид-19.

Оставката на Кларк ја прифати  премиерката Џасинда Ардерн. Кларк во април двапати беше фатен како ги крши правилата за карантин воведени поради епидемијата. Тој тогаш понуди оставка, но Ардерн не ја прифати со образложение дека тоа ќе доведе до нарушување на работата на Владата.

Ардерн најави дека на министерот за образование, Крис Хипкин ќе ја извршува функцијата министер за здравство до септември, кога треба да се одржат парламентарни избори на Нов Зеланд.