МИНИСТЕРСТВОТО ЗА ЗДРАВСТВО НАЈАВУВА ВАКЦИНАЦИЈА ВО ФЕВРУАРИ, НО НЕ ЗНАЕ СО КОИ ВАКЦИНИ

Од Министерството за здравство за Сител јавуваат дека имунизацијата ќе започне во февруари и ќе биде во континуитет. Но не даваат конкретни информации кога ќе стигнат првите количини и од кој производител ќе бидат истите.

За вакцините од Фајзер што ги отстапи Србија здравствените власти се уште чекаат дозвола од производителот а од кинески Синофарм очекуваат деновиве да биде познат датумот на испорака на 200.0000 дози.  

Од Министерството за здравство велат дека за секој нов момент околу вакцините, јавноста добива навремени и точни информации и додаваат дека проблемот со испорака на вакцини е на глобално ниво, од аспект на мали количини, и од аспект на неневаремени достави.

Надлежните уверуваат дека нема никакви законски пречки која било вакцина против Ковид-19 да биде увезена во земјата. 8000 дози од Србија планираат да ги донесат со интервентен увоз и истите се предвидени за здравствените работници.