МИШЕЛ: ЕУ СКЕПТИЧНА ЗА УКИНУВАЊЕТО НА ПАТЕНТИТЕ ЗА ВАКЦИНИ

/

Европската Унија е скептична за тоа дали е корисно да укинат правата на интелектуална сопственост на вакцините против Ковид-19 како начин за борба против пандемијата, но е подготвена да разговара за конкретен предлог, рече претседателот на Европскиот совет, Шарл Мишел, пренесува Слободен печат.

Според него, вистинскиот начин за борба против пандемијата е да се произведат повеќе вакцини што е можно побрзо и да се укинат ограничувањата за извоз на вакцините во земји како што се САД и Велика Британија.

Тој додаде дека овие земји произведуваат вакцини, но не ги продаваат на други.

– Во Европа решивме да го олесниме извозот и ги охрабруваме сите партнери да го олеснат извозот на вакцини – рече Мишел на вториот ден од самитот на ЕУ во Порто, Португалија.

Јужна Африка и Индија први и предложија на Светската трговска организација (СЗО) укинување на патентите на вакцините против Ковида-19, а тоа го поддржаа и голем број земји во развој.



Според Светската здравствена организација, минатиот месец се примени 700 милиони дози вакцина ширум светот, но само 0,2 проценти од нив се во сиромашните земји.

Дебатата за ова прашање повторно се отвори во средата кога американскиот претседател Џо Бајден ја поддржа идејата, под услов да се спроведе под покровителство на Светската трговска организација (СТО).

Претходна статија

РЕАКЦИЈА НА КАБИНЕТОТ НА ПЕНДАРОВСКИ ЗА СРЕДБАТА СО МИЦКОСКИ

Следна статија

ВАКЦИНИРАНИ НАД 97 ИЛЈАДИ ГРАЃАНИ, ПОВЕЌЕ ОД 250 ИЛЈАДИ СЕ ПРИЈАВИЛЕ НА „VAKCINACIJA.MK“

Најново од Вести