МНР со осуда за симнатото бугарско знаме од Конзулатот во Битола

//

Министерството за надворешни работи најостро го осудува оштетувањето на јарболот и отстранувањето на знамето на Република Бугарија на Трговско-економското претставништво при Генералниот конзулат на Република Бугарија во Битола.

„Овој вандалски и неодговорен акт на некој поединец, чиј идентитет ќе биде предмет на разгледување од страна на надлежните органи, во никој случај не треба да се поистоветува со населението на овој традиционално конзулски и космополитски град“, се вели во соопштението на МНР, пренесува Плус Инфо.



Министерството за надворешни работи нагласува дека ваквите изолирани и неконтролирани однесувања не придонесуваат во напорите за продлабочување на пријателството, добрососедството и соработката меѓу двете држави, како и заедничките напори за напредок во нашите заложби за понатамошна интеграција во Европската унија.

Претходна статија

Петмина починати од корона во штипската болница, заразена воспитувачка во градинка

Следна статија

Протест на поранешни вработени во „Еурокомпозит“, бараат исплата на придонесите за 6,5 години

Најново од Вести