Мyзеите на Струмица и Петрич во Бугарија со најава за заеднички проекти и соработка во новиот програмски период

/

Вработените во Заводот за заштита на спомениците на култура и Музеј – Струмица вчера беа во посета на Историскиот музеј во Петрич, Бугарија, каде тимовите од двете страни споделиле и размениле искуства и идеи и разговарале за можностите за соработка во новиот програмски период и идните европски проекти кои ќе ги развиваат и реализираат заедно.

Ова го соопштија од струмичкиот Завод и Музеј, споделувајќи ја заедничката објава на двете установи. Како што се наведува во објавата, гостите од Струмица ги разгледале новите изложбени и работни простори на Музејот Петрич. Детално биле информирани за успешно реализираниот проект за трансформација на старите бараки во градот во новиот социјален и културен центар Петрич, како и со работата на тимот на презентирање на артефактите и нивното културно наследство.

Во рамки на престојот во Петрич, гостите од Струмица ги посетиле и археолошките ископувања на локалитетот Хераклеја Синтика, а се разговарало и за креирање културни мостови за одржлив развој на прекуграничниот регион.



Извор; Добрососедство

Претходна статија

(Фото) Св Кирил и Методиј се славјано-болгарски просветители

Следна статија

(Фото) Вандалски акт или фотошоп- кој успеа да избрише буква од името на македонистичкиот клуб во Благоевград, напишано од внатрешната страна на излогот на клубот?!

Најново од Вести