На 4 септември започнува новата академска година во Воената академија „Г. С. Раковски“ и оваа година во Бугарија ќе се обучуваат воени лица од Република Северна Македонија
Министерот за одбрана Тодор Тагарев ќе ја отвори новата академска година во Воената академија „Г. С.Раковски“ во Бугариja, соопшти бугарското министерство за одбрана.
На официјалната церемонија на 4 септември ќе присуствува и началникот на одбраната адмирал Емил Ефтимов. Поканети се и генерали и офицери, претставници на политичкото и военото раководство на Министерството за одбрана, амбасадори и воени аташеа акредитирани во Република Бугарија, ректори на високи виши училишта и партнери на академијата.
По повод отворањето на академската година, во црквата „Свети Архангели“ при академијата, епископска света литургија ќе отслужи Неговото Високопреосвештенство епископ Белоградчишки Поликарп. Министерот за одбрана по традиција ќе го одржи првото академско предавање во свечената сала. Пред присутните ќе се обрати и шефот на одбраната.
На Воената академија во учебната 2023/2024 година новите специјализанти ќе се обучуваат на две магистерски насоки: „Стратешко раководство на одбраната и вооружените сили“ и „Организација и управување со воени формации на оперативно ниво“. Годинава меѓу специјализантите во двете специјалности има и офицери од Република Северна Македонија. Минатата година меѓу дипломираните офицери исто така имаше воени лица од Република Северна Македонија.
