Националната гарда на Бугарија одбележува 147 години од своето основање

Со свечена смена на почесната гарда пред зградата на бугарското Претседателство беа одбележани 147 години од основањето на Националната гардиска единица на Бугарија, јавува БГНЕС.

Гардистите ја изведоа традиционалната церемонија, која е еден од најпрепознатливите симболи на државниот протокол и на воените традиции во Бугарија.

Единицата ја започнала својата историја на 12 јули 1879 година како лична придружба на бугарскиот кнез Александар I Батенберг. Со указ од 30 август истата година, Првата коњаничка единица била прогласена за личен конвој на кнезот, со што биле поставени темелите на бугарската гардиска традиција.

Денешната Национална гардиска единица е правен наследник на личната гарда на кнезот Александар I. Во сегашната форма е организирана во 2001 година како репрезентативна воена формација на вооружените сили, директно подредена на министерот за одбрана.