Над 10.000 учесници пристигнуваат оваа сабота и недела во Симитли за кукерскиот фестивал „Симитлија – Древната земја на Кукерите“
Рекорден број учесници ќе се појават на јубилејното издание на Фестивалот „Симитлија – Древната земја на Кукерите“ 2024. Повеќе од 10.000 чувари на кукерската традиција оваа сабота и недела ќе продефилираат на стадионот во бугарскиот град Симитли.
Оваа сабота и недела на 13 и 14 јануари ќе биде празник во Симитли! Празник на кукерите! Два дена спектакуларно шоу! На фестивалот ќе учествуваат повеќе од 45 кукерски групи од цела Бугарија.
„Симитлија – Древната земја на Кукерите“ е приказна за кукери, мечки, мечкари, старци, ѓаволи, невести и младоженци…, секакви ликови од таа стара традиција.
Секој е добредојден да ужива во виорот на Сурва кој може да се види и почувствува само во Симитли. Има илјадници гости кои градот ги очекува да ги пречека за еден од најголемите празници, велат организаторите на фестивалот.
