Насилството врз Арсовска: Реџеп Нуредини доби условна казна од две години
Реџеп Нуредини е осуден на условна казна од две години затвор, која нема да се изврши доколку во наредните пет години не изврши ново кривично дело.
Нуредини беше обвинет заедно со Сулејман Љамалари, кој веќе е осуден, дека во јули ја нападнале и навредувале градоначалничката на Скопје, Данела Арсовска, за време на инцидент во Чаир поврзан со дивоградби.
На судот, Нуредини призна вина и изрази искрено каење. Неговиот адвокат, Насер Рауфи, истакна дека Арсовска покажала доблест и го простила, што придонело судот да изрече условна казна наместо затворска.
Сулејман Љамалари, пак, беше осуден на две години затвор за физички напад врз градоначалничката за време на увидот на терен.
