Нејнски: Евакуирани се над 2600 Бугари од Блискиот Исток, нема директна опасност за Бугарија

До овој момент сме евакуирале над 2600 Бугари со наша поддршка, туроператори, Министерството за транспорт и врски, Министерството за туризам и Ситуациониот центар. Координираме операција каква што ретко се случува — евакуација на толку голем број бугарски граѓани. Има уште граѓани. Тоа го изјави министерката за надворешни работи на Надежда Нејнски пред бТВ, пренесува БГНЕС.

Од Катар, Бахреин, Кувајт и Саудиска Арабија планираме да се извлечат последните бугарски граѓани, од аеродромот во Ријад, додаде Нејнски. Во последните два авиона имало и празни места, а исто така се обновени и цивилните летови. Од Иран сме извлекле Бугари преку Азербејџан по копнен пат, прецизираше Нејнски. Над 3000 лица претпоставувам дека ќе биде вкупната бројка на луѓе кои ќе бидат извлечени, така што остануваат околу 400 лица некаде, соопшти министерката за надворешни работи.

„Ќе ги провериме администрациите насекаде дали ги почитувале критериумите и правилата. Ситуациониот центар ќе изготви детален извештај по завршувањето на евакуацијата, во кој ќе се направи анализа каде и што се случило“, изјави Нејнски.

„Издадов наредба да се постапува според критериуми како да се одвива евакуацијата. Надвор од наредбата, тоа веќе е прашање на моралот и принципите на луѓето на терен“, нагласи министерката за надворешни работи.

Нема директна опасност за Бугарија, изјави Нејнски. Се потпираме на нашите сојузници во НАТО во принцип. Една ракета, за да стигне до Бугарија од Иран, треба да помине преку целата територија на Турција, односно целата противракетна и ПВО-одбрана на Турција придонесува да не стигне ракета до Бугарија. Ние исто така имаме ПВО, посочи Нејнски.

Имаме добра противдронска система и таму имаме сојузништво исто така. Во моментов нема ниту терористичка закана за Бугарија, подвлече уште Нејнски.