НОВА СТУДИЈА: БРИТАНСКИОТ ВИД КОРОНАВИРУС НЕ ПРЕДИЗВИКУВА ПОТЕШКА ФОРМА НА КОВИД-19

//

Британскиот вид коронавирус не предизвикува потешки форми на Ковид-19, кои бараат нужна хоспитализација или завршуваат со смрт, стои во најновата студија објавена во медицинскиот журнал „Лансет“.

Станува збор за многу заразен вид коронавирус, кој првпат е откриен во Велика Британија, наречен Б.1.1.7.

Студијата вклучува 496 пациенти од Ковид-19, кои биле примени во британските болници во ноември и декември минатата година, а нивната состојба била анализирана во компаративна студија со пациенти со други соеви на коронавирусот.

Истражувачите не препознале разлика во ризикот од сериозни болести, смрт или други клинички исходи кај пациенти со Б.1.1.7 и оние со други видови коронавирус, пренесува „Ројтерс“.



Друга студија открива дека вакцините, најверојатно, ќе бидат ефикасни против британскиот сој на коронавирус бидејќи нема зголемување на стапката на повторена инфекција во споредба со другите видови.

Според британските научници, Б.1.1.7 бил околу 40 до 70 % повеќе пренослив од претходните доминантни соеви на Ковид-19.

Претходна статија

28 ЛИЦА ЈА ПРЕКРШИЛЕ ЗАБРАНАТА ЗА ДВИЖЕЊЕ

Следна статија

ЕКСПЕРТИ НА ЕМА ВО МОСКВА ЈА АНАЛИЗИРААТ ВАКЦИНАТА „СПУТНИК В“

Најново од Вести