Одбележуваме 125 години од раѓањето на големиот бугарски композитор и педагог Панчо Владигеров

На денешен ден се навршуваат 125 години од раѓањето на големиот бугарски композитор и педагог Панчо Владигеров. Тој е основач и прв маeстро на повеќе жанрови во бугарската музика како што се инструменталниот концерт, виолинската соната, минијатурите за виолина и пијано и трио за пијано, јавува софиски Труд.

Панчо Владигеров е роден на 13 март 1899 година во Цирих, но детството го поминал во Шумен, каде што до денес има куќа-музеј што го носи неговото име. Прва учителка му била мајка му Елиза Пастернак-Владигерова, а подоцна образованието го презема учителката Павла Жекова.

На седумгодишна возраст го имал својот прв прв концертен настап, а на 10-годишна возраст ги направил првите обиди да компонира. Во 1908 година, таткото на композиторот, Харалан Владигеров, починал. Семејството се преселило во Софија, каде што се запишал во Музичкото училиште. Негови учители биле Чехот Хенрих Везнер и Добри Христов.

Симфониите во Шумен ќе го прослават роденденот на Панчо Владигеров со концерт насловен „125 години Панчо Владигеров“, кој ќе се одржи на 14 март во салата „Проф. Венета Вичева“, соопштија од симфонискиот оркестар во градот.

Пред неколку дена, на 11 март, БНБ пушти во оптек бакарна комеморативна монета на тема „125 години од раѓањето на Панчо Владигеров“.