ОСМАНИ ОПТИМИСТ, ХАН ПОТСЕТУВА ДЕКА ИМА УШТЕ МНОГУ РАБОТА
Македонија оди кон зачленување во Европската Унија од тоа нема враќање назад порача вицепремиерот задолжен за европски прашања Бујар Османи за време на заедничката прес-конференција со еврокомесарот за проширување Јоханес Хан. Османи изјави дека Македонија вчера и денеска во Брисел испишува историја. Еврокомесарот Хан го изрази своето задоволство од досегашниот тек на реформите, но наведе дека има уште многу работа што треба да се заврши. Хан истакна дека нема конкретни датуми за тоа, кога реформите треба да бидат спроведени, но подвлече дека не треба да се губи повеќе време.
