ОТВОРЕНА ТЕЛЕФОНСКА ЛИНИЈА ЗА СОВЕТУВАЊЕ НА ЛИЦАТА СО ДЕМЕНЦИЈА

//

Отворена е телефонска линија за консултација и советување за лица со деменција и нивни негуватели. Од Универзитетската клиника за неврологија информираат дека пациентите може во периодот од 11:00 до 13:00 часот, во понеделник и среда, да се јават на телефонскиот број 075/277-806 во амбулантата за деменции за консултација и советување. Од таму наведуваат дека повозрасните лица се особено чувствителни на кризни состојби и природни катастрофи, како што е и оваа со пандемијата на Ковид-19.

Во светот повеќе од 50 милиони лица живеат со деменција, а на секои 3 секунди се дијагностицира нов случај. Лицата кои живеат со деменција имаат ограничен пристап до информации и факти за пандемијата, а имаат и потешкотии да ги запомнат препораките за безбедно однесување и заштита (пр. носење на маска) или во разбирањето на информациите од јавно здравствен карактер (почитување на времето одредено со полициски час), се наведува во соопштението од министерството за здравство.



Претходна статија

ЕДИНАЕСЕТ ЗДРАВСТВЕНИ РАБОТНИЦИ ОД ИНФЕКТИВНОТО ОДДЕЛЕНИЕ ВО ШТИП НЕГАТИВНИ НА КОВИД 19

Следна статија

ПЕНДАРОВСКИ: АРМИЈАТА ЌЕ БИДЕ ВО ПОДДРШКА НА МВР

Најново од Вести