Пејачките Десислава Добрева и Десислава Христова одржаа три јавни двојазични интерактивни предавања во бугарските неделни училишта во Ирска
Пејачките и докторантки од Институтот за уметнички истражувања при Бугарската академија на науките, Десислава Добрева и Десислава Христова, со содеjството на Вања Андреева-Малакова, амбасадор на Бугарија во Ирска, на 9 и 10 ноември одржаа три јавни двојазични интерактивни предавања во бугарските неделни училишта „Азбука“ и „Рајна Кнегиња“ и училиштето „Васил Левски“ во Шенон, Ирска. Ова го објави самата Деси Добрева за рубриката „BG World“ на БТА.
На предавањата децата се запознаа со мјузикли од бугарските композитори Емелина Горчева, Љубомир Денев и Румен Бојаџиев-син, како и со улогата на бугарскиот фолклор во современите музички жанрови.
На крајот од секој настан, децата учествуваа на работилница за поставување мјузикл според бајката „Црвенкапа“ со бугарски народни песни адаптирани од Христо Христов. Специјален гостин на еден од настаните беше министерот за надворешни работи во периодот 2005-2009 година, Ивајло Калфин.
Предавањата наидоа на голем интерес од учениците, наставниците и родителите, рече Деси Добрева.
