Печален крај- ја принудуваат Украина да престане да дава отпор

Пишува: Проф. д-р Николај Слатински/Фактор

Украина да отстапи 20% од своите територии, затоа што и онака биле заземени од Русија…
Тогаш зошто беше потребно овие десетици илјади Украинци, цутот на нацијата, да бидат убиени, ранети и осакатени?

Освојувачките орди да бидат наградени за нивните ѕверства.

Огромен дел од сè уште живите мажи во Украина на возраст од 25-55 години не сакаат да бидат мобилизирани и да војуваат, а бидејќи Западот постепено ја напушта Украина – која е поентата да го браните со живот она што Украина ќе биде принудена да го отстапи на Путин?

Од постојаниот стрес во еден украински град во близина на линијата на фронтот, неодамна почина сопругата на моj колега од факултет, не можеше да ги поднесе вечните сирени, уништената градинка на нејзините внуци, бомбата што сред бел ден падна во продавницата за леб во која таа секојдневно ја праќала својата ќерка, скршените прозорци на училиштето до нив.

Како да се живее под постојан град од ракети и бомби?

Во друг украински град, блиску до линијата на фронтот, еден мој колега падна во тотална депресија и не комуницира со никого, затоа и не ми пишува, па бев ужасно загрижен што му се случува дали е жив…
И тука, сè оди кон можен тажен крај – принудување на Украина да престане да дава отпор.
Останува само едно – Трамп или некој друг западен паметен стратег да ја посоветува Украина, дека откако веќе ќе биде силувана да се опушти, за да осети барем малку задоволство, наместо да ја брани својата чест до последен атом со очајни и осакатувачки сили.