ПЕНДАРОВСКИ ЌЕ ГИ ОДЛИКУВА ХЕРОИТЕ ПОЖАРНИКАРИ, КОИ ГИ СПАСИЈА СТАНАРИТЕ НА ЗГРАДАТА ШТО СЕ ЗАПАЛИ ВО КИСЕЛА ВОДА

//

Претседателот на Република Северна Македонија, Стево Пендаровски, денеска со „Медал за храброст“ ќе одликува осум припадници на Територијалната противпожарна бригада на Град Скопје, а на противпожарната бригада ќе го додели признанието „Повелба на Република Северна Македонија“.

Припадниците на Територијалната противпожарна бригада на Град Скопје, се одликуваат со „Медал за храброст“ за покажаната исклучителна храброст и пожртвуваност при извршувањето на задачите во справувањето со огнената стихија за време на пожарот во станбена зграда на ул. „Народни херои“, Општина Кисела Вода, при што придонеле за навремено извлекување на загрозените станари.

Признанието „Повелба на Република Северна Македонија“ на Територијалната противпожарна бригада на Град Скопје се доделува за посветено извршување на задачите при гаснење пожари на подрачјето на градот Скопје, отстранување на непосредната опасност за настанување на пожари, спасување на животот на граѓаните и заштита на имотот, загрозени од пожари и од експлозии, и останати активности во согласност со делокругот на работа.





Претходна статија

КАБРАНОВ: ВО КАНАЛ 5 ПРЕД 15 ГОДИНИ ПЛАТАТА ЈА ДОБИВАВ ВО ПЛИКО

Следна статија

АПСЕЊЕ ВО ГОСТИВАР, ДЕВЕТ ЛИЦА ПРИВЕДЕНИ ПОД СОМНЕНИЕ ЗА ТРГОВИЈА СО ХЕРОИН

Најново од Вести