Петнаесет години Лига на бугарските писатели во САД и ширум светот – празник на зборот, меморијата и духовното единство

Изминатата сабота беше одбележана 15-годишнината од основањето на Лигата на бугарските писатели во САД и ширум светот — духовно семејство кое со децении ги претвора зборовите во мостови меѓу Бугарија и светот, јавува генералниот конзул на Бугарија во Чикаго Светослав Станков преку својот Facebook профил.

Лигата со гордост го носи бугарското слово, живиот извор што гради дом на националниот дух каде и да се наоѓаат Бугарите. Со својот талент и со своето творештво бугарските автори оставаат длабока и неизбришлива трага од интелект, сила на духот, имагинација и знаење — наследство кон кое ќе се навраќаат идните генерации. Оваа година во меѓународниот конкурс на Лигата учествуваа над 200 автори, што претставува јасен показател за растечкиот авторитет на организацијата и за тоа дека бугарското слово продолжува да живее силно, смело и достоинствено, дури и далеку од татковината, пишува Станков..

Во својата објава Станков упатува до д-р Људмила Калојанова за инспиративната вечер и нејзините зборови за јазикот, меморијата и наследството — трите столба врз кои се потпира емоционалниот свет на Бугарите во дијаспората. Бугарскиот генерален конзул во Чикаго изразува благодарност и до Ангел Колев, претседател на Лигата, за неговото лидерство што ги обединува творците и го одржува високо пламенот на бугарската самосвест низ светот.

На настанот биле доделени награди и престижната статуетка „Ника“ на заслужните автори, чиј успех е гордост за целата заедница.

Алманахот „Љубослов“ уште еднаш потврди дека бугарската литература во странство има свој светол, стабилен и растечки дом. Вечерта помина во топла атмосфера исполнета со бугарски збор, култура и пријателство — вистински празник на духот, пишува Станков.