Последната група учесници во 31-та Национална антарктичка експедиција на Бугарија се врати со лет од Рим

Последната група учесници во 31-та Национална антарктичка експедиција на Бугарија се врати со лет од Рим. Во групата се логистичарите Александар Богдев, Александар Величков, Борис Јорданов, Јордан Тодоров, Марчо Паунов, Милчо Дундаков и Павел Григоров и научниците доц.Борис Цанков, доц.Рајна Христова и д-р Васил Гурев.

Експедицијата заврши на 5 март, кога поларните истражувачи беа транспортирани со бродот „Св. Кирил и Методиј“ до пристаништето Пунта Аренас, на брегот на теснецот Магелан во Чиле, од каде продолжија со редовни летови на цивилната авијација.

На аеродромот во Софија, учесниците на експедицијата ги пречека претседателот на бугарскиот институт за Антарктик, проф. Христо Пимпирев, кој изјави дека мисијата била исклучително успешна и покрај злонамерните инсинуации.

Таа мисија беше историска, бидејќи за првпат Бугарија испрати истражувачки брод, посочи тој.

Бродот моментално се наоѓа во Мар дел Плата, а потоа ќе застане во Картагена и Пиреја пред да се закотви во Варна.

Првата група научници од 31-та Национална антарктичка експедиција тргна на 23 ноември од аеродромот во Софија.