Празник на бугарската литература во Кипар
Во кипарскиот град Паралимни денеска се одржува прослава на бугарската литература со гости-уметници од Бугарија. Ова е прв настан од низата иницијативи со кои Бугарското училиште „Народни будители“ во градот во текот на целата учебна година ќе го слави 15-годишниот јубилеј, јавува БНР.
Бугарските ученици, наставници, нашите сонародници на Кипар одбележуваат два значајни датуми во развојот на бугарската култура – 110-годишнината од основањето на Сојузот на бугарските писатели и 135-годишнината од раѓањето на големата бугарска поетеса Елисавета Багрјана.
На празникот на островот учествуваат познати бугарски поети – Бојан Ангелов, Ангела Димчева, Елисавета Шапкарева, внука на Елисавета Багрјана и Маја Панајотова.
По повод годишнината, училиштето „Народни Будители“ доби голема донација на книги од Сојузот на бугарските писатели и од издавачката куќа „Захари Стојанов“, информираат од училиштето.
Денешниот настан го организира управата на училиштето со помош на бугарските културни организации на островот. Овој, како и сите настани во текот на годината поврзани со годишнината, се под покровителство на Амбасадата на Бугарија во Кипар и Општина Паралимни, долгогодишен партнер на училиштето.
