„Пресудата за Миле е само почеток, има уште многу за разоткривање“, објави избеганиот експремиер

Поранешниот премиер во бегство, Никола Груевски кажа дека одлуката на судот во Стразбур за Миле Јанакиески е „само почеток на злостворствата правени во изминатите години“.

Тој додаде дека има уште многу за разоткривање, а актерите се уште веруваат дека никој не знае што прават.

Одлуката на судот во Стразбург поврзана со Миле Јанакиески околу политичкиот прогон, незаконското работење и самоволие на одредени судии и обвинители, политички мотивираните случаи и репресијата на СДСМ и Заев врз правосудниот систем со цел да ги елиминира политичките противници, е само почеток на разоткривањето на злостворствата што беа правени во изминатите години. Има уште многу за разоткривање, а прогонот се уште трае и злосторстават течат. Актерите се уште веруваат дека никој не знае што прават или барем дека нема докази за тоа.

Европскиот суд за човекови права утврди дека на ексминистерот за транспорт и врски, Миле Јанакиески, незаконски му бил продолжуван домашниот притвор.