Претседателката Јотова ќе учествува на отворањето на свеченото собрание по повод 150 години од Априлското востание

Претседателката на Бугарија Илијана Јотова, на 27 април ќе учествува на отворањето на Општобугарското свечено собрание по повод 150-годишнината од Априлското востание, соопштија од прес-службата на претседателката.

Настанот е организиран од Бугарската академија на науките и ќе се одржи во салата „Проф. Марин Дринов“ во централната зграда на БАН. Собранието е дел од чествувањата што се одржуваат под покровителство на претседателката.

Јотова ќе присуствува и на заупокојна молитва за жртвите на востанието, која ќе биде отслужена од бугарскиот патријарх и софиски митрополит Даниил во катедралниот храм „Свети Александар Невски“. По молитвата, Илијана Јотова и патријархот Даниил ќе предводат поворка до зградата на БАН, во која ќе се приклучат претставници на академската заедница.