Претставниците на Русија и Белорусија нема да бидат поканети на банкетот за Нобеловата награда
Дипломатските претставници на Русија и Белорусија нема да бидат поканети на банкетот за доделувањето на Нобеловата награда, откако Нобеловата фондација ја промени првичната одлука, јавува БНР.
„Одлучивме исклучокот од минатата година, кога амбасадорите на Русија, Белорусија и Иран не беа поканети на свечената церемонија во Стокхолм, да остане на сила“, се вели во соопштението на организацијата.
Аргументите за претходната позиција на Нобеловата фондација беа дека стремежот е да се вклучат дури и оние кои не ги делат вредностите на Нобеловата награда.
Годинешните лауреати ќе бидат објавени на почетокот на октомври, а свечените доделувања традиционално се одржуваат на 10 декември, годишнината од смртта на Алфред Нобел.
