„Прошетка во уметноста“ – Ангел Китипов со нова изложба во Пловдив

Уметникот и наставник во средното уметничко училиште во Пловдив, Ангел Китипов, вечерва во галеријата „Капана“ ќе ги претстави своите платна кои ги има собрано под името „Прошетка“. Изложбата ги прикажува главните фази на неговото патување во ликовната уметност. Сликите се плод на неговата работа во последните две децении.

Ангел Китипов го избра името „Прошетка“ за својата изложба со идеја лесно да ги претстави циклусите што ги вклучи, и тоа: „Фрагменти“, „Визии“, „Северен брег“, „Неоткриени пејзажи“, „Елемент“. Природата е главната тема што ме возбудува“, вели авторот. И додава дека е многу тажен поради природата уништена од човекот и затоа неговите слики се темни.

„Многу познаници ми велат: „Ти си весела личност, но во реалноста твоите дела се темни и мрачни“. Ова се повторно циклуси кои се прават во врска со активноста на човекот, кој зад себе остава фрагменти – скршени, уништени, изгорени… Невнимателниот однос на човекот кон природата. Ова е дел од темите што ме засегаат.

Инаку, Ангел Китипов смета дека уметноста треба лесно да се согледа од публиката.

„Сакам тоа да биде светол прозорец. Некои од моите слики се викаат „Прозорец“ – кон нешто спокојно, кон нешто светло. И ако моите дела можат да се поздрават со тоа, ќе бидам среќен“.

На отворањето вечерва уметникот на своите колеги ќе им подари портрети од нив, кои ги насликал специјално за таа пригода.

Фото: БНР