Протест во Бургас за построги казни за насилството врз деца и педофилијата

Пред судот во Бургас се одржа протест организиран од граѓанската иницијатива „Не молчиме“, јави дописникот на БГНЕС од црноморскиот град.

Повод за настанот беа два шокантни случаи на насилство врз деца, кои ја потресоа цела Бугарија – суровото малтретирање на 5-годишниот Адријан од страна на неговиот очув и разбивањето на група педофили кои дистрибуирале порнографски содржини со малолетници, меѓу кои и бебе старо само два месеци.

Демонстрантите побараа итни законски измени и построги казни за насилниците. Главните барања на демонстрациите беа удвојување на минималните и максималните казни за физичка и сексуална злоупотреба на деца и создавање јавен регистар на осудените за педофилија, со цел сторителите да не можат да останат во сенка и да загрозат нови жртви.

„Како родител на две деца, оваа тема е исклучително чувствителна за мене. Затоа сум тука и инсистирам на најстроги ефективни казни за убијците на нашите деца. Децата се наша грижа и одговорност и ние како општество и држава сме должни да им обезбедиме мирно, насмеано и среќно детство. Не е клише дека децата на нашата иднина“, вели една учесничка во протестот.

Настанот собра десетици граѓани кои го изразија своето сочувство и нивното категорично несогласување со неказнивоста на ваквите кривични дела.