Прв музеј на сидрото по вода во близина на Созопол- мисијата е остварлива

Создавање на подводни изложби и организирање на тури под вода во близина на Созопол? Идејата звучи егзотично, но може да се реализира и ќе привлече туристи. Иницијативата е на Центарот за подводна археологија и е поврзана и со плановите островот „Свети Кирик и Јулита“ да се претвори во Светски центар на уметностите.

Во близина на островот може да биде претставена подводна изложба на сидра, изјави за БНР Бургас д-р Најден Прахов, директор на Центарот за подводна археологија во Созопол.

„Во Бугарија има котви од сите познати типови, кои кога се вадат од морската средина се уништени. Нашата цел е да создадеме изложба во нивната природна средина и таа да ја раскаже приказната на сидрото по западниот брег на Црното Море. Ќе биде прва туристичка дестинација од таков тип! Нуркањето нема да биде на голема длабочина, туку на 4 – 5 метри, во непосредна близина до островот во многу убава и зачувана околна средина. Не мора да си нуркач за да нуркаш. Секој што сака да доживее авантура во длабочините ќе може да го стори тоа. Туристите ќе бидат придружувани од сертифицирани нуркачи.“

Напорите на подводните археолози сега се фокусирани на истражување во водите крај Созопол. И тоа во делот крај островот „Св. Кирик и Јулита“, бидејќи идејата е некогашното функционално пристаниште да може повторно да се користи. Таму се откриени остатоци од две праисториски населби и целта е да се открие што е сочувано од нив и како да се зачуваат.

Идејата за претворање на островот „Свети Кирик и Јулита“ во светски центар на уметноста постои со години, а државата планира да го претвори локалитетот во остров на културата со музеј за подводна археологија и со лаборатории за конзервација и реставрација на археолошки споменици.