Радев ќе се сретне со претседателот на Европскиот совет Антонио Кошта

Бугарскиот премиер Румен Радев во четврток, 3 септември, во владината резиденција „Бојана“ ќе одржи работна средба со претседателот на Европскиот совет Антонио Кошта, кој доаѓа во Софија по покана на бугарскиот премиер, јавува БГНЕС.

Во фокусот на разговорите ќе бидат следниот долгорочен буџет на Европската Унија, националните придонеси и сопствените ресурси на ЕУ, како и подготовките за редовниот состанок на европските лидери во октомври.

Посетата на Кошта во Софија е дел од неговата обиколка на главните градови на сите земји членки на ЕУ.

Антонио Кошта беше избран за претседател на Европскиот совет на 27 јуни 2024 година, а функцијата ја презеде на 1 декември 2024 година, наследувајќи го Шарл Мишел. Во 2025 година тој веќе ја посети Бугарија и се сретна со тогашниот премиер Росен Желјазков.