Радев кон Мецола: Недозволиви се обидите за мешање во содржината на документите подготвени од европските институции

Бугарскиот претседател Румен Радев се сретна со претседателката на Европскиот парламент Роберта Мецола. Во текот на разговорот, шефот на бугарската држава го постави прашањето за клучната улога на ЕП во одржувањето на европските вредности и демократијата во оценувањето на напредокот на земјите од Западен Балкан на нивниот европски пат. Според Румен Радев, недозволиви се обидите да се интервенира за промена на содржината на документите што ги подготвуваат европските институции, вклучително и ЕП, направени од земјите кандидати за членство во ЕУ, соопшти прес-службата на бугарскиот претседател.

Румен Радев изрази благодарност за навремената реакција и одлучната поддршка за бугарскиот европратеник Андреј Ковачев, кому на почетокот на мај годинава му беше забранет влез во Република Северна Македонија. Претседателот Радев истакна дека овој чин е спротивен на европските принципи и покажува непочитување кон претставник на институција на ЕУ. Шефот на државата изјави и дека ова не е изолиран случај во кој РСМ ги нарушува добрососедските односи.

Како особено алармантен развој на ситуацијата во РСМ, претседателот ги издвои јавните изјави на високи претставници на државата за подготвените „црни списоци“ со бугарски државјани, вклучително и на политичари, на кои им е забранет влез на територијата на РСМ. Овој пристап го покажува непремостливото наследство од тоталитарното минато и ја открива потребата од суштински реформи во земјата за да се надмине.