РАСТЕ БРОЈОТ НА ЗАРАЗЕНИ ОД МОРБИЛИ

/
Бројот на заразени од мала сипаница (морбили) во Македонија расте. Само во Дебар се искачи на 36 лица..

Според Ментор Мела, епидемиолог при единицата на Центарот за јавно здравје, токму денеска е регистрирано последното лице заразено од морбили.

Тој изјави дека останатите 35 лица веќе се пуштени на домашно лекување. Мела додаде дека сепак останува во сила епидемијата од морбили што е прогласена во Дебар, но додаде дека последниве 4 дена се забележува намалување на интензитетот.

Официјално, во Дебар 9-месечно девојче е најмладото лице заразено од морбили, а најстарото е 44-годишна жена. Од единицата на Заводот за јавно здравје во Дебар изјавуваат дека случаите на заразени од морбили поради немање инфектолог во Дебар, се испратени на лекување во Охрид и Скопје.



Ова не е прв случај на морбили во последниве неколку години. Во март 2014 година во Скопје беше прогласена епидемија на морбили, а ситуацијата беше сериозна и во февруари годиниава. Статистички, во Македионија, овие вируси секогаш доаѓаат при поголена раздвиженост на населението, како што се летните одмори и посетите на исселениците од странство.

Претходна статија

ЗАЕВ: СО ДОГОВОРОТ ЈА ОБЕЗБЕДУВАМЕ МАКЕДОНСКАТА ИДНИНА

Следна статија

СТЕВЧЕ ЈАКИМОВСКИ : МЕНУВАЊЕТО НА ИМЕТО Е КАКО МЕНУВАЊЕТО НА ВЕРАТА ПОД ТУРСКО

Најново од Вести