Блиските на 18 годишно момче, дадоа шанс за нов живот на тројца луѓе во Бугарија

Тројца Бугари добија шанса да го продолжат својот живот по донорска ситуација реализирана од тимот на УМБАЛ Св. Ѓорѓи- Пловдив, со координатор д-р Костадин Чифлигаров. Ова стана возможно откако на 27 октомври роднините на 18-годишно момче со мозочна смрт ја донесоа благородната одлука да ги донираат неговите органи и да им дадат шанса за живот на други луѓе, јавува БГНЕС.

На 28 октомври беше извршена трансплантација на срце на 43-годишна жена од лекарскиот тим на УМБАЛ „Проф. д-р Александар Чирков“. Тим на ВМА изврши трансплантација на црн дроб на 57-годишна жена, а лекари специјалисти во УМБАЛ „Лозенец“ му трансплантирале бубрег на 41-годишен маж.

Министерството за здравство и ВР „Медицински надзор“ изразуваат искрено сочувство до роднините на младиот човек и изразуваат благодарност и почит за благородната одлука донесена во тежок момент за нив.

Ја изразуваме нашата благодарност и до тимовите на медицинските установи вклучени во процесот на донација и трансплантација, велат од Министерството за здравство на Бугарија и ИА „Медицински надзор“.