|

Русија извршила масовен напад со ракети на енергетски објекти на Украина

Русија истрела голем број проектили во Украина рано во четвртокот, гаѓајќи ги Киев, североисточниот град Харков и други градови во масовно воздушно бомбардирање што ги принуди луѓето да брзаат во засолништа, соопштија украинските власти.

Во Киев, тим од работници за итни случаи пребаруваа низ остатоци од станбена куќа уништена од експлозија, а снимките покажаа димни траги од проектили кои останаа на небото над главниот град. Во Харков пожарникарите работеа на гаснење на пожарот во електро централа.

Украинската војска соопшти дека соборила 54 проектили од 69 лансирани од Русија во нападот што започна во 7 часот наутро по локално време. Сирените за воздушен напад одекнуваа низ целата земја и во Киев се огласија пет часа – во еден од најдолгите аларми на војната.

„Утринава агресорот лансираше крстосувачки ракети од воздух и море, противвоздушни наведувани ракети и С-300 АДМС во енергетските инфраструктурни објекти на нашата земја“, напиша на Телеграм највисокиот украински генерал Валериј Залужни.

Министерот за надворешни работи на Украина, Дмитро Кулеба последниот напад на Русија го коментираше како варварство.

Бригадниот генерал Олексиј Хромов од вооружените сили на Украина рече дека проектилите биле истрелани врз „критичните и енергетските инфраструктурни објекти во источните, централните, западните и јужните региони“.

Нападите следеа по нападот во текот на ноќта со беспилотни летала „камикази“. Русија изведе бројни бранови воздушни напади во последните месеци врз украинската критична инфраструктура, оставајќи милиони без струја и топлина на ниски температури.

Извор: zoom.mk

Слични Објави