РУСИТЕ НАПРАВИЈА ТЕСТ ШТО ГО ОТКРИВА КОРОНА ВИРУСОТ ЗА 40 МИНУТИ
Руските научници создадоа експресен тест за откривање на коронавирусот кој дава резултати за 40 минути, соопшто руското Министерство за индустрија и трговија, пренесува „Спутник“.
„Ова е прв експресен тест од домашно производство кој овозможува користење на стандардната опрема за откривање на коронавирусот за 40 минути. Прецизноста на тестот е поглема од 94 отсто“, наведува руската служба.
Овој тест ќе им помогне на лабораториите повеќекратно да ја зголемат својата продуктивност.
„Експресниот тест е пример за мобилизаија на научните и производствените ресурси на задача од државно значење. Примената на највисоките стандарди за лабораториска дијагностика, синергијата на службите и на колективот помагаат за реализација на животно важните проекти во услови на пандемија и го овозможуваат развојот, без преседан, на техничките карактеристики на тестовите за откривање на коронавирусот, од наједноставни до најсовремени“, изјави заменик-министерот на ресорот, Сергеј Циб.
Тестот го произвела компанијата „Медико-биолошки сојуз“ и веќе е регистрирам во Руската служба за здравствен надзор.
Извор: Макфакс
