САД СО ТЕХНИЧКА ПОМОШ ЗА МВР ВО ВИСИНА ОД НАД 500 ИЛЈАДИ ДОЛАРИ
Техничка опрема во вредност од 510 илјади американски долари донираа денеска САД за македонското Министерство за внатрешни работи во рамки на Програмата за контрола на извоз и гранична безбедност.
Македонската полиција доби две комби возила со мобилни единици за детекција на радијација, патролен чамец, теренско возило за полициската единица за службени кучиња и еден уред за обработка податоци.
Донацијата беше доделена денеска на свечена церемонија во Министерството за внатрешни работи, на која присустуваа министерот за внатрешни работи Оливер Спасовски и американскиот амбасадор Џес Бејли.
