СЕ ПРОДОЛЖУВА ПЕРИОДОТ НА ПРЕСТОЈ НА СТРАНЦИ

/

Наведениот пропис претставува дополнување на Уредбата со законска сила донесена на 20.03.2020 година и со неа се продолжува периодот на престој на странци на кои за време на вонредната состојба, им истекол краткорочен престој или виза за краткорочен престој, пренесува Канал 5.

Од МВР информираат дека периодот на престој се продолжува, како за времетраење на вонредната состојба, така и по завршување на вонредната состојба, до 31 август 2020 година.

– Исто така, се продолжува рокот на важноста на дозволите за привремен престој и на дозволите за постојан престој, чиј рок на важност истекол или истакува за време на вонредна состојба. И во овој случај, важноста на дозволите за престој се продолжува и по завршување на вонредната состојба, до 31 август 2020 година. Уредбата ви е достапна во прилог на соопштението, стои во денешното соопштение од МВР.



Имајќи предвид дека во наредните месеци се очекува постепено нормализирање на состојбите, отварање на граничните премини и враќање во функција на сите видови патнички сообраќај, од МВР им укажуваат на странците да го следат развојот на ситуацијата и доколку се создадат условите за патување во овој период, да пристапат кон постапки за регулирање престој, согласно одредбите од Законот за странци.



Претходна статија

ФИЛИПЧЕ: НАГРАДА ОД 20% ЗА ДВА МЕСЕЦА ЗА ЗДРАВСТВЕНИТЕ РАБОТНИЦИ

Следна статија

КОРОНАВИРУС ВЛЕЗЕ ВО УШТЕ ЕДНА КЛАНИЦА ВО ГЕРМАНИЈА

Најново од Вести