Шефицата на бугарската дипломатија Велислава Петрова го прими грчкиот амбасадор Алексиос Мариос Либеропулос

Министерката за надворешни работи на Бугарија Велислава Петрова го прими во Министерството за надворешни работи амбасадорот на Република Грција во Бугарија, Алексиос Мариос Либеропулос, јавува МНР на Бугарија.

Во рамките на разговорот беа разгледани различните димензии на стратешките односи меѓу Бугарија и Грција и заедничкиот стремеж за нивно понатамошно надградување. Министерката Петрова ја истакна Грција како сојузник со кој споделуваме заеднички вредности и слични регионални предизвици. Таа нагласи дека соработката меѓу двете земји претставува фактор на стабилност и развој во поширок регионален контекст.

Посебен фокус беше ставен на улогата што двете држави ја имаат во зацврстувањето на регионалната безбедност и подобрувањето на енергетската и транспортната поврзаност, поконкретно по правецот Север – Југ. Во тој контекст, министерката Велислава Петрова истакна дека зајакнувањето на врските меѓу Црноморскиот, Егејскиот и Централноевропскиот регион ќе придонесе за зацврстување на стратешката автономија и отпорноста на Европската унија и регионот во целина.