Софија станува центар на светската ортопедија, трауматологија и пластична хирургија
Во Софија беше отворен меѓународен конгрес за ортопедија, трауматологија и пластична хирургија. Конгресот што ќе трае до 26 септември беше отворен од познатиот бугарски хирург и специјалист по ортопедија и трауматологија проф. д-р Дијан Енчев, јавува БТВ.
На тридневниот медицински форум учествуваат хирурзи и истражувачи од Европа, САД и други земји, а специјален гостин е проф. д-р Роберт Зура од САД. Повеќе од 200 млади лекари од Бугарија, Европа и светот учествуваат во програмата под менторство на меѓународни експерти.
Научната програма опфаќа иновативни методи за хируршко лекување фрактури и нивните компликации, современи импланти, минимално инвазивни техники, персонализирана медицина и реконструктивна и пластична хирургија на горните и долните екстремитети.
Паралелно со предавањата, во хотелот „Маринела“ се одржува специјализирана медицинска изложба, на која компании претставуваат опрема и материјали за остеосинтеза.
